صلاة شكر لعطايا الرب في حياتنا – الأب بولس مارديني
صلاة شكر لعطايا الرب في حياتنا – الأب بولس مارديني
شارك الأب بولس مارديني في صلاة شكر للرب على ما قدمه في حياتك، ولا تبخل بأن تقدم القليل من وقتك له، لتجلس معه وتتحدث إليه بصلاتك، لا تنسى أنه هو من أعطاك الحياة… جلّ ما عليك صنعه! هو تقديم الشكر الدائم له على كل ما أنعم عليك من خيرات في هذه الحياة وما يقدمه لك من مجد ونعم في الحياة الأبدية.
باسم الآب والابن والروح القدس الإله الواحد – آمين
يا رب، بَدّي أشكرك من كل قلبي بدّي أشكرك بفرح مثل الأبرص الذي رجع، ونسي التسعة، وجاء لعندك تـَيقـُلـّك: شكرا، يا رب، لأنك أبرأتني وكنت مبسوط، يا رب، بشكره لدرجة إنك سألت: وين التسعة! بدّي أشكرك، يا رب، اليوم شُكرِ مريم التي ملأتها من روحك القدوس وأقول مع كل مؤمن، كل مرّة بعيش فرح كلمتك واختبار كلمتك: تعظم نفسي الرب، تبتهج روحي بالله مخلصي. بدّي أشكرك لأنك بتنظر لضعفنا وخطايانا، ولأنك صادق وأمين.
بـدّي أشكرك، يا رب، لأنه مهما كنت مَنسي، مثل المذود، بتولد فيه بدي أشكرك، يا رب، لأنه مهما كنت ضايع في بحر الحياة، بتمشي فوق الموج وبتهدّيها بدي أشكرك، يا رب بـصلاة شكر، يمكن أكون مثل أليعازر دخلت القبر، بس مش قبر الجسد قبر الخطيّة واتسـكـّر عليّ بكل الأبواب.. والناس قالوا: خاطئ!.. شو رح يطلع منه حكموا عليه أحكام قاسيّة، ويمكن حملوا حجارة ليرجموني ويمكن وقفت بالزاوية مستحي بحالي، ومستحي اطـّلـّع بالناس!
وحدك، يا رب
وقفت لتحرّرني، قلت: من منكم بلا خطيئة وحدك، يا رب، نظرت لقلبي وشوقي لإلك وقلتَ مثل ما قلت لمريم الخاطئة: غفر لإلك الكثير لأنك حبّيتني كثير. يا رب، مثل يائيروس جاي لعندك لآخذك لبيتي الذي صار فيه أطفالي أموات، وأفكاري ضايعة.
وقلت: يا رب، أتحنن عليّ، يمكن العالم قطع الأمل من خطاياي ومن تصرّفاتي، وضحكوا عليّ ولكن صوتك، يا رب، بيقول: لا تضحكوا.. لا تبكوا معي بيصير الفرح أبدي والحزن تعزية، والضحك بدوني ما بيدوم! أنا، يا رب، اليوم هم ضحكوا عليك لأنك قلت إن الصبيّة لم تمت لكنها نائمة لكن أنت بتقدر تحول الموت لقيامة، وليش لا! صلاة شكر لعطايا الرب في حياتنا
مش انت الطريق والحق والحياة! مش انت القيامة من آمن بك وإن مات فسيحيا! لهيك اليوم، يا رب، بسلمك دموعي التي سكبتها على أشياء ما بتحرز بسلمك اليوم “إخناقاتي” التي تخانقتها على أشياء ما بتبقى بسلمك، يا رب، خصامي الذي فصلني عن خيّي الذي جمّعتني فيه بدمك، وِعَشوا؟عا شي بَرْدُه ما… بسلمك اليوم كل كلمي باللساني جرحت..
صلاة شكر وحب لك يا رب
يا ريت، يا رب، كانت كلمة لإلك اليوم، يا رب، بدي قلك بحبك أنت الذي قلبك بيسعنا كلنا سوى، وأنت الذي بتحبنا كلنا سوى ما بقبل، يا رب، لا أنا ولا الموجودين: توقف على باب قلبي وأدق لأفتحلك أدخل، يا رب، كل الأبواب مفتوحة، الذي ما بيعجبك بقلبي رح أعطيك إياه: كبه، أحرقه بنار حبك والذي بيعجبك نميه بمحبتك،
اجعلني إنسان جديد يليق فيك، يا يسوع المسيح، لا بل اجعلني صورتك كل مرّة بكون موجود به الأرض، واجعل كل واحد منا بمحبتك عايش عنصرة جديده اليوم بِيِطلع من هالقداس وانت صرت الكل بالكل فيه آميـن.
كلمات الأب بولس مارديني
المزيد من التأملات الروحية
- رسالة خاصة من يسوع لكل قلب وكل روح
- طريق العودة إلى الله والرجوع عن الخطيئة والتوبة إليه
- رسالة ميلادية من مسيحيي سوريا إلى طفل المغارة
- هلم إلى الطفل يسوع في المغارة – تأملات ميلادية
- السنة الإيمانية للعودة إلى الجذور والتجدد
- علمني يا رب أن أصلي فأنا بحاجة إليك
- الصلاة قلب يتحد بقلب الله
- الشيطان يزرع الحرب أما الله يخلق الفرح والسلام
رسالة يسوع – من كان له أذنان سامعتان فليسمع
